حلا الكيتو الملكي

تبين شي حالي يبرد القلب بدون ذنب؟ جربي حلا الكيتو الملكي، بدون سكر، وبمحلي ستيفيانا 💚 خفيف، يشبع، وطعمه ما يتفوت… أحلى حلا تقدّمينه لأهلك أو تحفظينه بالفريزر ليومك الخاص 🥰

 

المكونات:

نصف كوب جوز هند محمّص

نصف كوب لوز مطحون محمّص

ملعقة كبيرة محلي ستيفيانا مطحون

ملعقة كبيرة كاكاو بودرة غير محلى

ملعقة كبيرة جبنة كريمية

ربع كوب كريمة خفق

50 جم شوكولاتة دارك

1 كيس ستيفيانا

نصف ملعقة صغيرة زيت جوز الهند

 

الطريقة:

1- نذوب الشوكولاتة مع ستيفيانا مع شوي زيت جوز الهند في حمام مائي، بعدين نحط طبقة منها في قوالب سيليكون، ونوزعها بالفرشاة على الجوانب. ندخل القوالب الفريزر 10 دقايق لين تجمد.

2- نخلط جوز الهند، اللوز، ستيفيانا، والكاكاو مع بعض. بعدها نضيف الجبنة الكريمية وكريمة الخفق ونقلبهم لين تصير عندنا عجينة متماسكة.

3- نكور العجينة ونضغطها فوق الشوكولاتة المجمدة داخل القوالب.

4- نرجعها الفريزر 10 دقايق مرة ثانية، وبعد ما تجمد نزينها بخطوط شوكولاتة ونقدمها.

5- ممكن تفرزونها وتطلعونها وقت الحاجة، طعمها يضل ثابت ومميز.